CHAPTER 22
Third Person POV
Sa kalagitnaan ng gabi, tahimik ang paligid ng gusali ng kumpanya ni Celestina. Ang malamlam na liwanag ng buwan ay tumama sa salamin ng mga bintana, at ang mga anino ng mga puno ay sumasayaw sa bawat ihip ng hangin. Sa kabila ng katahimikan, may nagmamasid—isang aninong halos hindi mahuli ng sinuman.
Sa conference room, si Celestina ay abala sa pagtutok sa kanyang mga dokumento. Bagamat sinabi ni Leonardo na magdoble ingat, mas pinili niyang huwag masyadong magpaapekto. Nasa paligid niya ang ilang security personnel na personal niyang pinili para bantayan ang gusali.
Sa kabilang dako, isang lalaking naka-black hoodie ang tahimik na naglalakad sa isang madilim na bahagi ng basement parking ng gusali. May earphone ito sa tainga, at isang pamilyar na tawa ang
