Chapter 37
Kasalukuyang inaasikaso ni Matilda ang mga dalang pagkain ni Alfonso para sa kanya. Kahit na sinabi nito kanina sa tawag na ayos lang naman siya at huwag na itong pumunta, nagpunta pa rin ito.
Hindi niya matanggihan ang dala nito nang makita niyang ang lagayan ng shawarma. Alam ni Alfonso na tatlong araw na siyang natatakam sa pagkaing ito. Kahinaan pa naman niya kapag takam na takam talaga siya sa pagkain.
"Ilang araw mo balak manatili sa hotel?" tanong naman ni Alfonso.
"Hindi ko lang alam," tugon din naman ni Matilda.
Hindi naman kasi talaga niya alam kung ilang araw siya rito. Pera nga ni Zero ang ginamit niya sa pagcheck-in kanina sa reception. Wala naman siyang pera eh. Kakapalan na niya ang mukha niya. Ayaw niyang matulog sa kalsada. May karapatan naman siguro siya
