— Zhanaira —
“Zack naman! Kanina ka pa hawak nang hawak,” mariing bulong ko kay Zack na huli nang huli sa kamay ko kanina pa.
Hahawakan niya 'to at pipisilin na parang nanggigigil.
“So?” taas kilay na tanong niya at hinigpitan na ang hawak niya sa 'kin.
“Kayong dalawa, kanina pa kayo.” Sabay kaming napatingin kay Railey na tumabi pa sa amin sa paglalakad at ibinulong 'yon. “Anong meron sa inyo, ha?”
Naitikom ko na lang ang bibig ko. Bahala ka diyan, Railey. Mag-isip ka mag-isa mo.
“You're a man but you are more talkative than girls,” kunot noong sagot ni Zack sa kaniya na ikinatawa ko.
Napakamot naman sa ulo si Railey. “Talkative agad? Nagtatanong lang, e.” Natawa na lang ulit ako nang mahina at nagpatuloy sa paglalakad.
Naglakad kami sa quadrangle dahil tatawid na kami papunta sa
