[CHAPTER 20]
◌●◌
HINDI ALAM NI Chaos kung bakit nag-aaksaya pa rin siya ng panahon sa pagbabantay ng dalaga na tanging pag-iyak at pagtulog lang ang ginagawa sa loob ng hospital sa loob ng ilang linggo. Wala na sana siyang balak na ipagpatuloy ang kabaliwang iyon ngunit isang araw, nakita niya na lang ang sarili na nasa hospital ulit at nagbabantay sa dalaga.
Hindi niya maintindihan ang sarili kung bakit niya pinipili na magpakatangang muli. Dapat ay nadala na siya sa pagkakadapa ngunit heto siya, hindi pa magaling ang sugat ngunit tatakbo na naman. Nasa ganitong kalagayan na siya. Walang makakatulong sa kanya kung hindi ang sarili rin. Kung gusto niyang makalaya ay dapat na gawin niya ang mga bagay na makakatulong sa kanya.
Ito ang kauna-unahang pagkakataong nagbago ang nararamdam
