MALUNGKOT siyang lumabas ng Gym. Hindi na niya kaya pang makita ang performance nina Lexter at Ashley na masaya at nagpapakilig ng mga nanonood. Kung hindi nga lang siya nagpabigla-bigla ng desisyon malamang sa malamang, siya ang nasa puwesto ni Lexter ngayon at kasama niya siguro si Ashley sa entablado habang masayang nagpapakilig ng mga kapwa niya studyante.
Pagkatapos ng mga salitang binitiwan niya kay Cathy. Alam niyang nasaktan niya ito ng sobra kaya minabuti niya na tapusin na ang lahat dahil hindi na niya kayang dayain pa ang kanyang puso at patuloy na idamay si Cathy sa sariling problemang pinasok niya.
Pumunta na siya sa parking area upang makauwi na siya. Sumakay siya sa kotse niya at saka umalis sa lugar na iyon.
Habang nagmamaneho pauwi, nasa isipan pa rin niya ang masayang
