"Pagpasensiyahan niyo na ang sinabi ni Yizun. Mali ang ibinigay nitong impormasyon patungkol sa lokasyon ng inyong pupunta," sabi ni Ariane at tumingin sa akin, "Ang bayan na nabanggit sa inyong misyon ay isang lugar na punong-puno ng sigla. Wala naman sana dapat itong ikatakot dahil may hari naman na pumoprotekta sa kanila pero, ngayon na wala ang hari at nasa kalagitnaan din ito ng paglalakbay. Kailangan niyo pumunta roon para siguraduhin na ligtas silang lahat."
"Wala po bang mga taong may kapangyarihan doon?" Tanong ni Elfrida.
"Mayroon naman silang mga iilang tao na may kapangyarihan,"tugon ni Ariane, "Ngunit, hindi ganoon kalakas ang mga taong iyon para protektahan ang buong bayan. Ayon sa natalang dami ng namatay doon, mahigit kumulang dalampu na ito."
"Ano po ang gusto niyong ga
