Oo, tama nga si Treyni. Hindi biro ang enerhiya na umaapaw sa halimaw na ito sa kaniyang katawan. Sobrang dami nito at sa tingin ko ay mas labis pa yata ang enerhiya nito kung ihahalintulad sa mga nakalaban namin.
Hindi ko alam kung ano ang dapat kong maramdaman pero isa lang ang sigurado ako. Isa na naman itong panibagong labanan. Ito ang unang beses na magsasama na naman kami sa isang labanan.
Kahit nasa harap na kami ng panganib ay hindi ko mapigilan ang sarili ko ang mapangiti. Naalala ko na naman ang mga pinagdaanan namin noon, ang mga tawa at kwentuhan na kailanman ay hinding-hindi ko makakalimutan.
“Shh, manahimik kayo,”saway ni Draco habang nakatingin pa rin sa halimaw na nasa aming harapan, “Hindi ako sigurado kung bakit bigla na lamang tumigil ang nilalang na ito pero sigurad
