Natuwa si Rosalie nang wala pang dalawang araw ay nakatanggap na siya ng tawag galing kay Andrew. Gusto raw siyang makausap ng mga magulang nito para sa interview. Nung araw ding iyon ay natanggap na siya. Sa sabado na raw siya mag-start dahil iyon ang day-off ng nurse nito. Doon niya na rin makikilala ang kapatid ng lalaki. May silbi rin pala ang pagkikita nila ni Andrew. Huwag lang itong magtatangkang magparamdam sa kanya dahil may iba na siyang mahal.
Kinakabahan siyang naglalakad sa pasilyo ng hospital. Na-traffic kasi siya at nahirapan rin siya sa pasikot-sikot sa syudad. Unang araw pa naman ng trabaho. Siguradong mapapagalitan siya.
Tinanong niya agad sa reception kung saan ang room number na ibinigay ni Andrew. Halatang nasabihan na ito dahil hindi na nagtanong pa ang receptionist
