"Ligtas na siya."
Nakahinga nang maluwag si Rio sa ibinalita ng doctor. Kasama niya si Wesley nung mga oras na iyon dahil sinundan pala ng binata si Rosalie nang bumalik ito sa perya para balikan siya.
"Rose, delikado ang kalagayan mo! May tama ka. Gusto mo na ba talagang mamatay?"
Napahawak si Rosalie sa tagiliran na patuloy sa pagdurugo pero umiral ang kagustuhan nitong mabalikan si Rio,
"Palabasin mo ako, Wesley. Kahit ubusin ko ang natitirang dugo ko sa katawan ay hindi ako mangingiming bugbugin ka kung hindi ka umalis sa daraanan ko," matapang na utos ng babae kahit halatang nanghihina na.
Napamura ni Wesley, "Kaya namatay si Kuya dahil sa katigasan ng ulo mo!"
Hindi nakasagot agad si Rosalie at bumakas ang guilt sa mukha nito. Tila gusto namang pagsisihan ni Wesley ang
