Tulala ako nang makarating kami sa bahay. Si Junmar ay pagod din kaya matapos kumain ay agad na dumiretso sa kwarto niya, wala namang problema sa result ng check-up, inabisuhan lang kami na uminom siya ng maraming tubig.
"Sino 'yan?" tanong ko mula sa pinto, may nag-doorbell kase sa gate pero hindi ko maaninag kung sino dahil sa sasakyang nakaparada. Tinamad naman akong umakyat pa sa kwarto para silipin ang CCTV.
"Deliver po from...Jose Bernal, Spicy Vinegar special from Bicol po ang nakasulat."
Dali-dali akong lumapit sa gate. "Akala ko po hindi makakarating," sabi ko, medyo gabi na rin kase at ang alam ko hapon sila nag-de-deliver.
"Nasiraan po kase ako ma'am kaya natagalan, pero kanina pa po 'yan sa'kin," sabi ni Manong.
Naawa naman ako. Bayad naman na ang vinegar, ang delivery c
