Paglalahad ng Manunulat
Malaki ang pagkakaiba ng ikaapat na gubat kumpara sa naunang tatlo. Pula ang dahon ng mga puno rito, sobrang malapad at mataba pa ng mga ito. Walang maririnig na tunog sa paligid. Tila ang mga puno, halaman at mga hayop na naninirahan dito ay sawa na sa paglikha ng mga ingay.
Kakaiba ang pakiramdam ng bawat-isa. Kagaya sa mga nakaraang kaganapan, batid nila na kahit anong oras man ay maaari nang lumitaw ang taga-pagbantay ng ikaapat na kagubatan.
Nagmadali sila sa paglakakad, sinasamantala ang mga oras habang tahimik ang paligid. Ilang hakbang nalang ay matatawid na nila ang ikaapat na kagubatan. Sa bawat hakbang ni Lemonsquare kaakibat nito ang isang panalangin. Panalangin na sana ay hindi sila mapansin ng ikaapat na tagapagbantay at matawid nila ang kagubatan
