Paglalahad ng Manunulat
Pinagpatuloy muli nila Lemonquare ang paglalakad. Sa wakas ay nasa ikalimang bundok na sila. Oras na matawid nila ang bundok na ito ay masisilayan na nila ang matagal nilang hinihintay na marating. Ang dalawang hugis susong bundok.
Muli, natigil ang kanilang pagtahak sa daan dahil agad na ipinakita ng tagapagbantay ng ikalimang gubat ang kanyang wangis sa grupo. Malaki ang kaibahan niya sa mga naunang tagapagbantay. Ito ay nasa taong anyo na at may koronang gawa sa mga matatalim na pangil ng hayop. Mataray at lubos na nakakatakot ang kanyang kabuuang wangis. Higit pa roon, may dala siyang isang ahas na kulay puti na nakapalupot sa kanyang kanang braso. Kulay kayumanggi ang suot nito at angat na angat ang pagkaputi nito kung kaya't hindi mo agad mapapansin ang aha
