Icer Hans
Hawak ko na sa aking kamay ang purple na tubig na makakatulong upang muling maibalik ang diwa ni Lemonsquare. Dalawa ang kinakailangang sangkap upang maisakatuparan ito; ang una na ay itong tubig at ang panglawa ay ang isang busilak na pagmamahal. Kung saan ang proseso ay kinakailangan na isalin ang mahiwagang tubig sa bibig ni Lemonsquare gamit ang bibig ang taong tunay na nagmamahal sa kanya.
Sa mga araw na nagdaan ay doon ko napatunayan na ang nararamdaman ko kay Lemonsquare ay pagmamahal. Hindi na ako malilito pa ngayon gayundin ay hindi ko na rin kailangan pang tanungin ang sarili ko tungkol sa kung ano itong nararamdaman ko. Pagmamahal na nga ito at panahon ang tumulong sa akin upang mapagtanto ko ito.
Batid ko na kapuwa kami lalak
