"Okay na ba sa iyo itong bago nating titirahan?" Tanong sa akin ni Uncle.
Hindi agad ako nakasang-ayon. Nakatingin lang ako sa bahay na nasa harap ko.
Maayos naman ito. Pagpasok mo sa maliit na gate, ang maliit na garden agad ang bubungad sa iyo. Pero hindi mo rin masasabing garden ito dahil puno ng matataas na talahib at d**o. Parang ilang taong hindi nalinisan ang harapan ng bahay. Ang labas ng bahay ay kulay puti ang pintura na medyo nagbitak bitak na dahil sa tagal na panahong hindi ito natirahan. May dalawang bintana sa gilid na puno ng alikabok. At ang pinto naman sa gitna ay kalas na ang kandado. Masasabi mong sobrang luma na talaga ang bahay.
"Ano? Okay na ba sa iyo?" Muling tanong ni Uncle. Tumingin ako rito na alanganin ang mukha.
Sasagot na sana ako, kaso biglang dumating an
