"Ella, may nagpadala ng bulaklak sa 'yo." Inabot ni Lassie ang pumpon ng bulaklak sa kanya. Kasalukuyan siyang nagre-research para sa mga subject niya matapos niyang makapag-enroll. Binigyan na sila ng module at may mga libro na rin siyang kailangang bilhin sa bookstore. Pero dahil wala siyang pambili ng libro ay pagtatyagaan niya na lang muna ang pagre-research sa internet. Libre naman ang wifi sa hotel at ipinagamit din sa kanya ni Denisse ang isang laptop sa opisina nito.
Ang natitira niyang pera ay ipapadala niya sa isa niyang kapatid nang patago. Hindi puwedeng maputol ang pag-aaral ng mga kapatid niya. Walang trabaho ang mga magulang niya ngayon at may posibilidad na pahihintuin ng Tatay Iskong niya ang mga kapatid sa eskwela. Wala siya roon para pigilan ito at siya ang magt
