Pa-sexy pang naglakad si Denisse papasok sa bahay ng mga Guererro. Kung nakatingin si Dominico sa kanya ay hindi niya alam. Iniwan niya itong tulala sa loob ng mamahalin nitong kotse. Paano ba namang hindi ito matutulala? Sinadya niyang idikit ang katawan at hipan ang tainga nito para makiliti at mawala nang kaunti ang kasungitan. Ewan ba naman niya sa gwapong 'yun, pinasan yata ang problema sa buong mundo. Dinaig pa tuloy nito ang matandang nireregla na malapit nang mag-menopause.
Tumuloy siya sa silid niya saka pabagsak na inihiga ang katawan sa kama. Hindi niya maintindihan kung bakit ganoon na lang ang tindi ng galit ni Dominico sa kanya na parang siya ang sinisisi sa maling pagbagsak ni Bennett mula sa kabayo at pagkatapak pa ng kabayo sa binti nito. It was an accident. Pero hinusgah
