"My gosh, Denisse, ang gwapo naman ng boyfriend mo!" Halos tumili si Ryza na isa ring Arkitekto na kasama niya sa project na iyon. Nasa isang coffee shop sila para i-discuss ang isang malaking events place na gustong ipagawa ni Enrico. May stadium din silang isusunod na project pa rin ng pamilya ng ex-boyfriend niya. Marami siyang pagkakaabalahan ngayon kung tutuusin. Pero ang nasa isip niya ay kung ano na ang gagawin niya kay Dominico.
Tapos na ang meeting nila na hindi na sinamahan ni Dominico dahil grupo sila ng Junior Engineees and Architects. Sumaglit ito sa Guererro Farm para tingnan kung may problema ba sa mga trabahador. Kumuha rin ito ng gamit para sa dalawang-araw nito sa Maynila.
Nang matapos ang meeting ay mabilis ding umalis si Enrico na sumuko din kaagad nang malamang boyfr
