"Ano na, Avis? Kailangan pa ba kitang buhusan ng isang timbang tubig para lang magising ka na? Malilate ka na. H'wag ka na lang kayang mag-aral at sumama ka na lang sa 'kin na maglako nitong mga tinapa ko!" Napairap na lang ako sa litanya ni Mama habang pababa ako ng hagdan naming gawa sa kahoy.
Katulad ko ay marupok na rin 'to at handa nang bumigay ano mang oras mula ngayon.
"Ito na nga e," I said with my calm and monotonic voice. Kapag sinabayan ko pa kasi nang pagtaas ng boses ang init ng ulo n'ya sa 'kin ngayon ay baka tubuan na lang bigla ng mga pakpak ang paninda niyang tinapa at lumipad na lang papunta sa direksyon ko.
"Ma, hindi mo ba pa ipagagawa 'tong hagdan natin? Bibigay na ata 'to," sabi ko.
Pagkababa ko ay diniretso ko kaagad ang maliit at pabilog na lamesa namin na sakt
