Habang nasa loob ng sasakyan ay nag iisip si Mr. Henry Villamor sa mga eksenang naganap kanina lang. Pasalamat na lang ito at nandoon ang boss nito kanina kung hindi ay napatikim niya dito kung gaano siya kalupit.
"Boss, masyadong mayabang ang Mr. de Ayala na iyon at talagang ang lakas ng loob niyang tratuhin kayo ng ganun ganon lang. Ano boss, itumba ba namin?" Suhestiyon ng kanang kamay nito.
Tinignan ng Senator ang kanang kamay sa sinabi nito. At biglang uminit lalo ang ulo ng Senator.
"Siraulo ka ba? Hindi ka ba nag iisip? Kapag kinalaban natin ang isang de Ayala ay para na rin tayong naghukay ng sarili nating mga libingan. Hindi basta basta maging kalaban ang kagaya nila. Bukod sa sila ang pinaka mayaman na pamilya sa bansa, nasa panig rin nila ang mga iilang matataas na officia
