NAGGISING si Matilde na mataas na ang sikat ng araw kinabuksan. At kung hindi dahil sa sinag ng araw na tumatama sa kanyang mukha ay hindi siya maalimpungatan.
Bahagya pa siyang nagtaka sa una nang idilat niya ang talukap ng kanyang mga mata at wala siya sa sariling kwarto niya sa apartment. Ngunit nang maalala niya ang kung anung mga nangyari kagabi ay doon na muling bumigat ang pakiramdam ni Matilde.
Hindi niya alam kung papaano niyang sisimulan ngayon ang araw niya. Wala siyang gana at ang gusto niya lamang ay ang magkulong at magmukmom maghapon. Ngunit hindi naman iyon pupwede. Hindi titigil ang mundo kahit iyon ang gawin ni Matilde.
At kung anu man itong maramdaman niya ay dapat niyang labanan. Hindi dapat siya magpadaing sa takot na nararamdaman niya. Bagkus ay gawin niya iyong in
