NAWALA ang ngiti sa mga labi ni Aya nang ang nakabusangot na mukha ng anak na si Luke ang sumalubong sa kanya. Kasunod nito ang mga nakatatandang kapatid na sina Sebastian at Mandy. Kagagaling lang ng mga ito sa iskwelahan.
Sebastian is in his usual poker face. Si Mandy naman ay mababakas ang pagod sa mukha.
"Anong nangyari kay Luke?" tanong ni Aya sa mga anak matapos humalik ng mga ito sa kanya. "Bakit mukhang biyernes santo ang mukha mo, anak?" diretsang tanong niya kay Luke nang hindi sumagot ang kambal.
Umiling lang si Luke at nakabusangot pa rin ang mukha na lumapit sa driver nila at kinuha ang sariling bag.
"Seb? Mandy?" patanong na tawag niya sa kambal.
"He wasn't able to finish his work on time. He got his scores deducted," paliwanag ni Mandy.
"Why? What happened ba, anak?"
