"Sanders..." tawag ko sa kanya. Halos makaladkad niya na ako sa pagmamadali niya.
"Later, sweetlips. Later." Nanayo ang mga balahibo ko sa intensidad ng boses niya. Hindi ko maiwasan ang kabahan, ang maexcite, ang matakot.
Nagmamadali niyang binuksan ang pintuan ng suite niya at hinila ako papasok.
"Sand---" dumikit ang katawan niya sa katawan ko. Dumikit din ang mga labi niya sa mga labi ko. Buong pananabik ngunit puno ng pagsuyo ang iginawad niyang halik sa akin. Nakakadala. Nakakadarang. Nakakapanlimot.
Hindi ko na namalayang napunta na pala sa balikat niya ang mga braso ko habang patuloy ang mga labi namin sa pagsasayaw. Ipinapadama ng aming paghahalikan ang pagkasabik namin sa isa't isa. Dama ko ang pagmamahal sa bawat paggalaw ng kanyang mga labi, sa bawat paglasa ng kanyang dila
