Sa isang penthouse ng isang hotel dinala si Abbey ni Niccolo. Isang five star hotel na pagmamay-ari rin ng mga Moretti. Napaka-sophisticated ng hotel na para bang magiging isang hari at reyna ang magtsi-check in roon. But the fact na sina Niccolo ang may-ari niyon ay mas higit pa sa ganoon na klaseng pag-estima sa kanila. Pagpasok pa lamang nila ay sinalubong na sila ng general manager ng hotel. Isang bagay na hindi niya naranasan kahit kailan.
Tulad nung nakaraang penthouse ni Niccolo ay napakagarbo rin ng disenyo nitong kasalukuyang pinagdalhan sa kanya. Buti nalang at makakasama si Yaya Cora sa kanila. Ang batang si Lara naman ay dinala muna sa mansyon ng mga Moretti. Ayon kay Niccolo ay mas maigi iyong nasa penthouse siya at nalalaman nito ang mga taong pumapasok at lumalabas sa hotel
