MARIEL PENINCULA
Gusto ko sana na ako ang kumarga kay Kleo dahil ako naman ang nag-aalaga sa kanya pero parang ang sama ko naman kung kukunin ko pa siya kay Lance. Isa pa, naglalakad na rin kami sa hallway papunta sa main room ng bahay.
Shet! Gabi na. Baka p'wedeng bukas na lang kami mag-usap. Saka bakit kailangan pa kong sumama sa pag-uusap nila? Bakit pati ako kailangan nilang makita at ma-meet?
Waah! Baka bigla akong magkaroon ng interview sa kanila. Hindi ko pa naman alam ang isasagot ko kung sakaling meron man.
"Sir, didiretso na ba agad tayo sa pamilya mo? Wala bang recitation muna o kung ano? Hindi ko alam isasagot ko doon. Hindi naman ako nakapagtapos ng pag-aaral!"
Med'yo hindi na ko makahinga ng maayos dahil sa kaba na nararamdaman ko. Pagkatapos, itong kausap ko ay hind
