Kim's POV
"Anong oras ka nanganak?" tanong ko kay Nicole na buhat buhat yung baby nila.
Ang gwapo! Anong aasahan ko?! Gwapo ang tatay at dyosa ang nanay! So gwapo ang anak! Kakapanganak nya lang kahapon. Nakakatawa lang yung kwento ni Miggy na nagtalo pa sila sa pagpunta ng ospital! Ang Nicole kasi ayaw pa pumunta, nakakalimutan nya ata na Monticlaro na sya dahil laging iniisip ang gastos.
"Alas otso ng umaga, naglalakad lakad kami dito ni Kals nang pumutok ung panubigan ko tas ayun," kwento nya.
"Masakit?" tanong ni Cams. Tumawa naman si Keith sa narinig nya. Nasa isang tabi lang kasi sila at hinahayaan kami sa tabi ni Nicole.
"Masakit, pero worth it naman," sabi ni Nicole na nagbiglang tingin sa anak nya. Natawa naman kami sa reaksyon ni Cams, kabado na sya dahil sya na ang sunod.
