Cleya, 2002
Muling napapailing ang Mama bago sumagot. "Ano ka ba, kahit naman sa pangalawa at sa bunso iasa ang negosyo walang kaso iyon. Tingnan mo yung mga anak natin. Si Alvin ang panganay natin pero iba ang gusto. Wala syang hilig sa negosyo ng pamilya kaya nasalo ni Javier at sumunod naman sa yapak mo si Andry." Palatak ni Mama.
"Para naman kasing may choice pa kami ni Kuya Javier!" Sabad ni Andry bago sumubo ng pagkain.
Napatawa si Flynn sa naging sagot ng kapatid. "Don't worry para patas sisiguruhin namin na bigyan kayo ng kambal na apo. Babae at lalaki, diba Bob?" Baling nito sa akin.
Kimi akong ngumiti bago ibinaba sa sariling pinggan ang paningin. Bakit ba kasi napunta sa pagkakaroon ng anak namin ni Flynn ang usapan. Yung apo na pinagtatalunan nila ay hindi pa namin nagagawa
