NAGISING si Gretel sa katok sa kanyang pinto. "Bukas 'yan," sagot niya. Iniluwa doon ang nakangiting mukha ng kanyang kaibigang si Rizel.
"Good morning!"
"Morning!"
"So, nakita mo na ba ang may-ari ng katapat mong bintana?" nakakalokong saad ni Rizel sa kaibigan.
"Nope, pakialam ko naman sa bastos na 'yon. Walang respeto sa mga kasamahan dito? Magpatugtog ba naman ng pagkalakas-lakas kagabi? Nakakabulabog iyon, a!"
"Ikaw lang naman ang nakakarinig, kung isinara mo ang bintana kagabi hindi mo maririnig ang ingay," nakangising saad ni Rizel sa kaibigan.
"Gusto ko kasi iyong natural na hangin lang," saad niya sa nakangiting kaibigan. May napansin siya sa ngiti nito. Biglang kumunot ang kanyang noo.
"O, napano ka riyan?" ani Rizel sa kakaibang tingin ng kaibigan.
"Pansin ko kasing may
