Inabot ng humigit kumulang isa’t kalahating oras ang naging byahe namin papunta sa Basco Airport. Sinalubong kami ng ambon pagkalapag ng eroplanong aming sinasakyan.
Nasa kalagitnaan na ng buwan ng Pebrero kaya malamig ang klima rito sa Batanes. It is a good thing that I brought a blazer to cover my black racer back sando. I paired it with a dark blue skinny jeans.
Nabanggit na sa akin ni Cyrus kanina na kumuha siya ng travel guide para sa four day trip namin na ito. Masigla kaming binati ng isang naka-unipormeng lalaki.
“Good Morning Sir! Are you Mr. Cyrus Andrian Sandoval?” malugod niyang bati. Agad namang tumango si Cyrus sa kanya.
“I’m Alex Ferrer, your travel guide from Mabuhay Travel Agency!” pagpapakilala niya sabay abot ng kanyang kanang kamay. Magiliw namang nakipag-handshake
