Kabanata 68
Dating hari ng Emiral? Kung hindi ako nagkakamali ay ito ang ama ni Haring Zemora? Hindi ko man siya nakita sa alaala ni Haring Zemora, alam kong malaki ang kaniyang papel sa hinaharap. Napatingin ako sa lugar kung saan dumaan sina Prinsesa Zemira. Mahalaga sa kaniya ang lugar na ito? Paano nga ba ito naging mahalaga sa kaniya?
Napalipat ang tingin ko sa lalaki. Magtatanong sana ako sa kaniya ngunit bigla naman siyang nagsalita, “Diyan na muna kayo dahil may pupuntahan lang ako,” pagpapaalam niya sa aming dalawa ni Ginoong Padraig.
“Sige po,” tanging sagot ko sa kaniya.
Nanguha na lang ako ng mga tulips habang malalim ang aking iniisip. Tahimik lang naman din si Ginoong Padraig sa aking tabi. Siguro’y nararamdaman niya na wala akong ganang makipag-usap. Napuno ang dala kong
