Kyla POV
Mag-gagabi na at nakapaghain na ako ng pagkain dito sa bahay habang hinihintay na lamang namin ang Tatay galing sa trabaho niya.
"Astrid, mga anong oras umuuwi ang Tatay?" tanong ko habang nandito kaming tatlo sa harap ng isang maliit na lamesa.
"Hindi ko po alam Ate kasi minsan talagang gabi na umuuwi ang Tatay tapos minsan hindi na." Hindi na?
"Bakit naman minsan hindi makauwi ang tatay?" Tanong ko.
"Eh kasi po Ate, minsan talaga hindi na umuuwi ang Tatay kapag alam nya na hindi sapat ang kita niya. Kaya madalas mag-isa na rin ako dito sa bahay. Gigising na lang ako sa umaga, kakauwi pa lang ni Tatay."
"Ganoon ba?" nasabi ko na lamang dahil hindi ko alam ang nangyari sa aking Tatay simula noong naghiwalay na kami ng landas noon.
"Mom," tawag ni Andrei. "Gutom na ako." sa
