PAG-UWI ko ng bahay ay may pumpon ng kulay peach na mga rosas sa isang plorera. Nasa labing dalawa ang bilang ng mga 'yon at alam kong may lasa ang presyo. Wala s'ya sa bahay ng dumating ako at bandang alas syete y media na ng gabi. Saan kaya nag-suot 'yon. Kanino kaya itong bulaklak na ito?
Nagdiretso ako ng banyo at nag-shower ng mabilis. Lagkit na lagkit ako sa byahe at hindi ako makakatulog ng ganito ang pakiramdam. Ang problema, naiwan ko ang damit na pamalit ko sa kwarto. Naisip ko, wala naman si Russ kaya lumabas ako ng nakatapi lang ng tuwalya at mabilis na naglakad papunta sa silid namin. Laking gulat ko ng marinig ko ang isang pag-singhap.
"Max," tawag nito sa akin.
Kipit ko ng mahigpit ang tuwalyang nakabalot sa katawan ko at may kakitiran rin ang lapad nito kaya nakahantad
