FARRAH
Ilang linggo pa akong bumawi ng lakas sa loob ng ospital. Habang ginagawa ko iyon ay palagi akong pumupunta sa silid kung saan naroon si Zick.
Gustuhin ko man na hindi umalis sa tabi nito ay hindi ako pinayagan ng doktor. Mas makabubuti raw na magpalakas pa ako para mas mabantayan ko pa si Zick.
Nang tuluyan na akong gumaling ay minabuti ni papa na iuwi muna ako sa bahay.
Ang mga kaibigan muna ni Zick ang nagpalitan sa pagbabantay sa kaibigan.
Kinumbinsi nila ako na ipahinga muna ang aking sarili. Sinabi rin nila na hindi matutuwa si Zick na hindi pa ako lubusan nakakabawi ng lakas ay pinapabayaan ko na naman ang aking sarili.
Bago ako umalis ng ospital ay pinuntahan ko muna si Zick. Gusto ko magpaalam muna rito na iiwan ko muna ito sandali.
Lumabas muna ang mga kaibiga
