Mabilis na pinatakbo ni MJ ang kanyang sasakyan paalis ng Savage Hotels. Umigting ang kanyang panga kasabay ng paghigpit ng hawak niya sa manibela.
Sa side mirror ay nakita ko pa ang paghabol sa ‘min ng ilang reporters at bloggers. Ramdam ko tuloy ang pagpintig ng ulo ko dahil dito. Sumasakit ang ulo ko dahil alam kong nakuhanan nila ng litrato si MJ – nakuhanan nila kaming dalawa at ang paghalik namin sa isa’t-isa!
Tiffany naman kasi! Bakit ‘di mo ginamit ang utak mo?!
Hinampas-hampas ko ang ulo ko dahil sa kabobohan ko. Alam ko kasing ako ang nagpasimunong halikan si MJ kanina. Ang tanging pagkakamali niya, imbes na pigilan ako ay kinunsinti pa niya ang paghalik ko sa kanya!
Hinawakan ni MJ ang kamay ko para patigilin ako sa ginagawa. Kahit nagmamaneho siya ay nagawa pa niya ito. “S
