Pinapasok ko sa loob ng kwarto si MJ. Agad ko namang ni-lock ang pinto sa takot na baka may nakasunod sa kanya. Mahirap nang magpakampante dahil baka maulit ang nangyari sa ‘kin kanina. Ayaw ko namang pati kaibigan ko ay madamay sa iskandalong kinasasangkutan ko.
“Marami pa ring tao sa labas?” tanong ko agad kay MJ dahil alam kong nadaanan niya ang mga ito papasok sa hotel.
Bigla namang kumuha si MJ ng unan sa kama ko na inabot niya sa akin. Imbes na gamitin ang mahabang buhok ko pantakip sa harapan ko, itong unan ang niyakap ko.
Nakita kong naupo si MJ sa kama na para bang hapong-hapo pa rin. Binagsak niya sa tabi nito ang bag niyang mukhang maraming laman.
“Ano bang nangyari sa ‘yo at nagkaganyan ka? Tsaka bakit parang ang dami mong dala?” magkasunod na tanong ko. It felt like I n
