Hugo's POV
Ilang buwan na akong naghahanap kay Joyce ngunit hindi ko pa rin siya mahanap. Alam kong may alam si Marcus pero hindi niya sinasabi sa akin kung ano ang totoo. Gagamitin ko si Isaac at naniniwala ako na mapapa-amo ko sa akin ang kaibigan ni Hanz.
Magkakasama kami ngayon. Nandito kami sa opisina ni Calix dahil may importante kaming pinag-uusapan pero katatapos lang kaya pwede na akong umalis.
"Aalis muna ako. May pinapagawa si dad sa opisina." ani ko.
"Okay. Don't turn off your phone just in case na kailanganin kita." ani ni Marcus. Tumango lamang ako sa kanya at nagpaalam na rin ako sa mga kaibigan namin. Pagkaalis ko ng opisina ni Calix ay dumiretso na agad ako sa mansion ko upang makita ang mga anak ko.
"Sir, nasa itaas po ang mga bata natutulog." ani ni Manang sa akin.
