" Saan ka pupunta anak? " bungad ni Manang sa akin pagbaba ko ng hagdan, balak ko kasing puntahan si Zane sa opisina nito. Kung kinakailangang magmakaawa ako gagawin ko, bumalik lang siya sa akin. Hindi ko na kakayanin pang harapin ang mga araw na hindi siya kasama.
" Pupuntahan ko po si Zane manang. " sagot ko dito, kita ko ang pag-aalala sa kanyang mukha.
" Anak, baka naman lalo ka lang masaktan sa ginagawa mo? " sabi nito na ikinabuntong hininga ko.
" Kaya ko pa naman Manang, saka unti-unti narin akong nasasanay sa sakit. " mapait ang ngiting sagot ko. Sa totoo lang halos magdamag lang akong gising at umiiyak, umaasang sana maging manhid na lang ako para hindi makaramdam ng sakit.
" Basta anak, kapag hindi mo na kaya hindi masamang sumuko. Hindi masamang magpahinga at mas lalong hin
