Pagkatapos ng tawag kay Daddy ay halos manghina ako. Nawala nang tuluyan ang antok ko at napalitan ng matinding kaba.
Imbes na matuwa ako dahil sa pagtawag sa akin ni Daddy matapos ng ilang araw na wala itong paramdam ay nayamot ako ngayon. Gusto ko pang makasama si Craig. Ngayon pa na okay na kami matapos ng pagpapansin ko.
Ang masaklap ay hindi nag-iisa si Daddy. Isasama niya pa ang mag-inang ‘yon. Biglaan pa ang announcement na magpapakasal na sila.
Dumating na ang kinatatakutan ko… Ang ma-itsapwera ni Daddy dahil sa mag-ina na ’yon. Pero kung akala nila na papayag akong tuluyan nilang maagaw ang atensyon ni Daddy ay nagkakamali sila.
Sobrang kumirot ang dibdib ko. Parang gusto kong magwala ngayon pero wala ako sa sarili kong kwarto.
Hindi ako pwedeng abutan ni Daddy na wala sa m
