MARIZ
MABILIS akong nakarating dito sa unit ko, kung gaano ka-traffic gaano, ganoon naman kaluwag ang daan pauwi. Mabuti na nga lang kako at wala na, gusto ko rin kasing makauwi para makapagpahinga. Hindi naman ako napagod, nabwesit lang talaga. Hindi na rin ako tumuloy sa bookstore na balak kong puntahan at nakita ko lang ang lalaking 'yon don. Mabuti na nga lang at hindi ako nakapasok agad, kung nagkataon e 'di nasira na naman sana ang araw ko.
Pagod kong hiniga ang likod ko sa kama ng silid ko. Mainit ang ulo ko, kaya nagpasya akong i-off ang phone ko at wala akong gustong makausap na kahit na sino. Nagbilin din ako sa receptionist ng hotel na walang iisturbo sa akin. Ako na lang mismo ang tatawag ang lalabas kung may kailangan ako. Mabuti na nga lang at okay lang naman daw 'yon, sa g
