RICHEL
"Anak, bakit ang laki naman ng pinadala mo? Anak, paano ka diyan? Kaya mo ba ang trabaho mo? Pumayag ba ang amo mo na mag advance ka? Baka anak pini-pilit mo lang ang katawan mo. Sinabi ko naman sa iyo na kahit nag lalaba lang ako, kaya ko pa naman." Wika ni Nanay sa kabilang linya. Kahapon namin pinadala ni Nanay Rosa ang binigay ni Madam Ricka. Nagulat si Nanay na 10k ang pinadala ko. Pag text kahapon namin ni Nanay Rosa kay Mrs. Cruz. Nag reply kaagad si Mrs. Cruz na may inutusan daw siya na puntahan si Nanay para sabihin na nagpadala ako ng pera. Kaya kinabukasan maaga si Nanay pumunta sa bahay ni Mrs. Cruz kasama ang mga kapatid ko para kunin ang code. Hindi na kami ulit nakatawag kahapon dahil tinulungan namin si Madam Ricka na ayusin ang kanilang mga gamit na dadalhin. Ka
