(Kate/ Shannon)
Halos habol namin pareho ni Erwin ang aming paghinga nang tumigil kami sa pagtatatakbo. Pagkatapos ng halos ilang beses na pag- ikot namin sa may oval nitong complex habang nagjo- jogging ay napagpasyahan namin pareho ang tumigil na. Nang medyo nahimasmasan na ako, agad kong kinuha ang bottle water na dala ko at ininom ko ito, ganun din ang ginawa ni Erwin.
"5: 30 na pala." si Erwin, habang nakatingin sa kanyang wrist watch. Kahit maagang- maaga pa pero napakaliwanag na.
Hindi na ako nagkumento sa sinabi ni Erwin, umupo ako sa bench at iginiya ko ang aking sarili sa pagmamasid sa paligid.
Medyo padami- dami na ang mga taong nagjo- jogging. Naramdaman ko ang pagtabi ni Erwin sa aking pagkakaupo.
"Nagjojogging din pala dito si Mr. Montreal." narinig kong sambit ni Erw
