“Lorenzo, busy ka ba? Puwede ba tayong mag-usap?” tanong ni Elle sa asawa niya na ngayon ay nagbibihis na. Nagsusuot na ng tie at tila nagmamadali.
Naninibago siya rito. Ilang linggo na na hindi sila halos magpang-abot na dalawa. Nag-iba na nga ito ng pakikitungo sa kaniya. Para bang iniiwasan siya. Gabing-gabi na kung umuwi. Minsan naman ay maaga pero nagkukulong sa opisina nito.
Nasasaktan siya roon at hindi niya maintindihan ang lahat. Bakit bigla-bigla ay parang wala na itong pakialam sa kaniya.
“May meeting pa ako,” sagot nito.
Naikuyom naman ni Elle ang kamay niya at pinigilan ang sarili na umiyak.
“Lorenzo, iniiwasan mo ba ako?” tanong niya rito.
Natigilan naman ito at hinarap siya.
“Iniiwasan? Come on, Elle. Ba’t ko naman gagawin ‘yon? Busy lang ako sa trabaho. May business
