Nakangiting inaayos ni Elle ang mga bonsai sa shop nang mabasa ang text ni Inez na hawak na nito ang mga pulis na sangkot sa pagkamatay ng lolo’t lola niya. Good mood siya at may dahilan na naman siya para maging mabait ngayong araw.
Mamaya ay pupuntahan niya ang mga iyon.
“Saan ka pumunta kanina?”
Napalingon siya at nakita si Lorenzo na nakatayo at inaayos ang paso.
“E-Enzo, ayos ah. Parang hindi ka lumpo kung tingnan,” saad niya at nakangiti pa.
“Nagising ako kaninang madaling araw na wala ka na sa tabi ko. Saan ka pumunta?” tanong nito ulit. Seryoso ang boses at mukhang concerned. Kinilig naman si Elle kaya nilapitan niya ang asawa at nagkunyapit sa braso nito.
“What are you doing?” reklamo nito.
Bumusangot naman si Elle.
“Miss mo lang ako eh. Ano? Nag-aalala ka ba sa ‘kin? Amin
