UNANG araw ng burol ng kanyang Lola ay dinala niya si Patricia. Kasama nito si Mark. Hindi niya nakitang tinarayan ito ng kanyang ina tulad ng inaasahan niya. Tahimik lamang ang kanyang ina habang malayo sa kanyang ama. Hindi nagkikibuan ang mga ito at alam niyang nag-aaway pa rin dahil sa nangyari kahapon. Madilim ang mukha ng kanyang ama. Galit na galit ito sa kanya dahil sa kanyang gusto mangyari. Wala rin itong pinapansin sa mga bisita na nakikiramay na akala mo ay nagluluksa ng sobra.
“Kumusta naman ang Papa mo ngayong wala na ang Lola mo. He looks not okay,” tanong sa kanya ni Patricia kaya napatingin sa ama na tahimik pa rin.
“I don’t know. Hindi ko alam kung ano ang iniisip niya. Kung ang minana niya o ang pagkamatay ni Lola. May minana pa rin naman siya mula kay lola. Siguro in
