#BetweenYouAndHim
EPISODE 65
Nasa loob ngayon ng kwarto nila ni Howard si Khiro. Sa tabi ng kama. Kasalukuyan nitong inihahanda at inaayos sa ibabaw ng kama ang susuoting pambahay na damit ni Howard.
Halos mapalundag sa gulat si Khiro ng makarinig nang malakas na kalabog. Kaagad siyang napatigil sa ginagawa at napalingon sa pinanggalingan ng malakas na kalabog na iyon. Humarap siya. Nakita niya si Howard na naroon sa labas ng banyo na ang tanging suot lamang ay ang pang-ibaba nitong pants. Nag-aapoy sa galit ang mga mata nitong nakatingin sa kanya.
“H-Howard?...” bahagyang kinakabahan na sambit ni Khiro sa ngalan ni Howard. Nagtataka siya sa klase ng tingin nito sa kanya at sa ginawa nitong malakas na pagbukas ng pinto na sa tingin niya iyon ang pinanggalingan ng malaka
