#BetweenYouAndHim
EPISODE 61
Nakatulala habang nakatingin sa kawalan si Khiro. Nakaupo ito sa isang bench na nasa labas lamang ng restaurant nila ni Howard. Nasa loob naman at nasa opisina si Howard kasama si Tristan at Yohan at busy sa trabahong ginagawa nito.
Malalim ang iniisip ni Khiro. Halo-halo ang mga iniisip nito gaya ng nalalapit na nilang kasal ni Howard, ang naging usapan nila ni Gabriel na hindi maalis-alis sa isipan niya at siyempre, hindi mawawala si Kameon sa mga naiisip niya.
Bumalik sa reyalidad si Khiro at bahagyang nagulat ng biglang may lumitaw na kamay na may hawak na isang baso ng sa tingin niya ay kape sa kanyang harapan. Napatingin siya sa taong nagmamay-ari nun at nakita niyang si Kameon iyon na wala pa rin talagang kupas ang kagwapuhan sa mga panin
