Ito ang unang beses na nakapasok sa gusali kung saan nagtatrabaho ang mga opisyal si Meisha, dahil din do’n ay sumunod na lang siya kay Lansford. Isa pa, pareho lang naman sila pupuntahan.
Habang naglalakad, nakikita niya maraming mga tao na dumaraan sa pasilyo at mukhang nagmamadali. Siguro dahil maraming gawain ang mga ito na kinakailangan tapusin.
Ayon kay Lansford, nasa tatlong palapag daw ang opisina ng Biskonde at nang makarating sila sa harap ng opisina nito. Eksakto naman na narinig nila ang usapan sa loob.
“Ba’t ako na naman? Ba’t inatasan niya ako na hanapin ang prinsesa, anong ginagawa ng kawal sa palasyo? Ang galing ha, hindi ba niya inisip na marami akong trabaho na nakatambak sa opisina ko na kinakailangan ko pang asikasuhin. Hindi ko pa nga naresolba iyong mga tiwaling
