LUMIPAS ang mga araw hanggang sa naging isang linggo. 'Di nagpakita si Ace kay Bern. At para siya ay malibang pansamantala na pumapasok siya sa kompanya nila, kasama ang ama.
Nakapagtapos naman na siya ng kurso niya sa kolehiyo. Puwedeng puwede na siyang magtrabaho sa sarili nilang kompanya. Kahit paano ay 'di siya pinipilit ng parents niya na magtrabaho sa kanilang negosyo. Ang gusto nila ay kusa siyang magsasabi, kaya ito na nga.
"Sabihin mo lang sa akin, Bern, kung magkakaroon ka ng problema. Nasa kabilang pinto lamang ang opisina ko," bilin ng ama.
Pilit niya itong nginitan. Ramdam nila na tila may dinaramdam siya. Hindi naman lingid sa mga magulang ng dalaga na 'di pumapasyal o nagkikita sila ni Ace.
"Thanks, dad. I promise po na pagbubutihin ko ang trabaho ko."
Marahang hinaplos
