Habang limang buwan pa lamang ang tiyan ni Maxine at hindi pa ganoon kalaki ay ginanap na ang kasalan ng dalawa. Para sa iba marahil ay minadali ang kanilang kasal. Baka nga ang tingin ng iba ay pinikot lang niya si Jamil, ngunit wala na siyang pakialam dahil silang dalawa ang nakakaalam ng totoo.
Ilang taon nilang hinintay ang isa't-isa at ilang taong pasulyap-sulyap lamang ang ginawa. Ilang taong lihim na minahal ang isa't-isa hanggang sa wakas ay tuluyang nagsama at pinaglapit ng tadhana.
Biruin mo nga naman, ano? Ang tagal nilang tinitikis ang sarili kaya siguro ang tadhana na ang gumawa ng paraan at sa pagkakataong ito ay pinaglapit na silang dalawa at sa loob lamang ng isang taon ay tuluyang nagkalapit ang mga loob at nag-isang dibdib sa harap ng altar.
Ika nga, the search is o
