Alessia
Mabilis na lumipas ang isang buwan at hindi pa rin nagigising si Vincent. Ang mga sintomas ko sa pagbubuntis ay lalong lumalala dahil sobrang sensitibo ng aking amoy na makaamoy lang ako ng di-kaaya-ay ay nagduduwal na ako agad. Minsan nga ay sobra akong nahihilo na paggising ko sa umaga ay hindi na ako makatayo sa sobra kong pagkahilo.
Katulad na lamang ngayon na madaling araw at para nanamang isusuka ko lahat ng aking mga kinakain. Gusto kong tumakbo papunta sa banyo pero nahihilo naman ako kaya hindi naman ako makatayo. Mabuti na lamang at may plastic akong katabi kaya iyon na lang muna ang aking kinuha at doon ako sumuka. Nang matapos ay itinapon ko ito sa basurahan at saka uminom ako ng tubig na nasa malapit lang din sa akin.
Hays. Kahit hindi na ako magpa-check-up
