CHAZZY
Hindi madaling ibalik ang dating ako, pero kinakaya ko pa rin para sa anak ko. Kabuwanan ko na ngayon at kailangan kong alagaan ang kalusugan ng dinadala ko. At dahil ayoko maapektuhan ang pagbubuntis ko, may mga dapat akong bitawan kahit labag sa kalooban ko.
Walang ibang hahawak sa store kaya binenta ko ito at ang factory. Pero bago ko ito ibigay sa bagong may-ari, ni-secure ko muna ang mga staff ko. Kinausap ko ang bumili ng business ko na ‘wag nilang tanggalin ang mga tao ko dahil sila ang kasama ko simula ng buksan ko ang negosyo.
Kung ang iba ay nanatili, may ilan naman na mas piniling umalis, katulad ni Gellie. Wala raw makakapantay sa akin bilang boss nila. Kahit manatili raw sila sa store, hahanap-hanapin nila ang presensya ko.
“Chazzy, nagluto ako ng sopas. Kumain k
